Gullsesong for tur i skogen
Av Kristian den 03.02.09
Den jubileumskledde soknepresten Arild Steinsland besøkte Sveio O-lags stand og kaffipost under marknadsdagen utanfor jubileumskyrkja i september. O-lagets Unn Rognerud tar vel imot.
45 gullmedaljar skal delast ut denne jubelkvelden. Det vil seia at 45 av dei ivrigaste i tur-o-gjengen har vore innom alle dei 50 ordinære tur-postane som var spreidde ute i skog og mark rundt i mest heile kommunen i fjorårssesongen.
I tillegg skal alle dei mest uthalande av dei ivrige gjerast stas på. I år er det jubilantar med fem gullår på rad, nokre har orientert seg fram årleg gjennom 10 år til gullmerke medan dei seigast har prestert til gull gjennom 15 år.
Merkevinnere turorientering 2008
Vakkert sommarver i friluftsområdet Slettene da Sveio O-lag saman med fleire andre lokale friluftsorganisasjonar lokka 200 deltakarar til Finn Fram dag.
Tilbodet var i fjor spreidd rundt til store delar av Sveio kommune. O-terrenget nær Sveio sentrum, både nord og sør for Paddevegen har vore nytta. Det same har terrenget ved Lier i Førde, Valestrandsfjellet og Auklandshamn.
I friluftsområdet Slettene i Auklandshamn skipa Sveio O-lag i samarbied med fleire andre lokale friluftsorganisasjonar til Finn Fram dag i vakkert sommarver i juni. Nær 200 fann vegen til Slettene denne vakre dagen, der Sveio O-lag hadde servering av kaffi og kaker ved ein av sine turorienteringspostar.
Kø ved kontrollposten til Sveio O-lag under Finn Fram dagen i Slettene.
Kø ved kontrollposten til Sveio O-lag under Finn Fram dagen i Slettene.