Velkommen til Barnas o-tur 2014
og Nærtrimmen for dei vaksne

Fire ulike kart ligg i plastlomma for årets sesong. Tre av karta (Førde, Auklandshamn og Tittelsnes (Festningen)  er i målestokk 1:5000. Det betyr at ein centimeter målt på kartet utgjer 50 meter i terrenget.  Det tredje kartet (Sveio Vest ved Fjellstad og Paddevegen) er i målestokk 1:7 500. Det tyder at ein centimeter på kartet utgjer 75 meter i terrenget.
Fire ulike turar
På kvart kart er teikna inn fem postar. Det vil i praksis tyda at det er lagt opp til minst fire turar i terrenget. På Sveio Vest kartet høver det å parkera bilen  langs Paddevegen ved Fjellstad. I Førde er det høveleg å parkera ved industriområdet på Hanaleite,  i Auklandshamn ved friområdet Slettene og på Tittelsnes inne på sjølve Festningsplassen.
Prøvesmaking for dei vaksne
Barnas o-tur er ei enklare form for turorientering. Men har samtidig passande utfordringar også for vaksne, som vil prøva turorientering. Dei som bur i Auklandshamn, Valevåg/Tittelsnes, Førde og Sveio er nå så heldige at dei har enkle tur-postar, som dei kan besøkja like ved der dei bur.
Deltakarkort
På kortet finn du ei fin teikning ved sida av nummeret til kvar post. Den same teikninga møter du igjen dersom du har funne rett post i skogen. Kvar post er dessutan markert med raude og kvite plater. I tillegg til ei teikning, finn du på kvart postflag eller plate, nummeret til posten og to bokstavar, som du skriv ned på deltakarkortet. NB. Pass på at deltakarkortet ikkje blir vått. Hald det inni plastlomma når du er ute på tur.