Av Kristian den 30.08.16

Sveio O-lag hadde laga ei rundløype med o-tekniske oppgaver for store og små på åtte ulike postar i Rex Garden og Strando.
Både start og mål på rundløypa var satt til sjøkanten på Strando.
Langs rundløypa fekk besøkande prøve mange ulike aktivitetar.
Bl.a. skytetevling med luftgever som var delt inn i fire premieklassar. Vinnarane blei Maria Runde i kvinneklassa, Emilie Huseby i jenteklassa, Karl Erik Ravn Ottesen i herreklassa og Lars Hovland i guteklassa.
Eit anna populært og tradisjonsrikt innslag er speedorientering der både unge og eldre er ivrige på å persa tida si rundt miniløypa.
Sola skein og på posten til Sveio Turlag som kunne tilby quiz med ti varierte spørsmål. Fire deltakarar klarte åtte rette: Kristian S. Førde, Bjørnar S. Førde, Sveinung Askeland og Vigleik Aronsen.
Nede ved sjøkanten instruerte Førde-speidarane i padling og Bua-speidarane tilbydde nysteikte pinnebrød.
Ørevik 4H arrangerte spel på plenen og sal av fruktsalat. Under same tak grilla Sveio O-lag pølser.
Valestrand søndagsskule arrangerte tevling i vassbering og såleis kåring av søndagens sterkaste pappa, som blei Oddgeir Talle og søndagens sterkaste mamma som blei Ingeborg Stokkenes.

---

---