21.08.24

---

21.08.23

---

24.08.22

I det idylliske friluftsområdet langs stranda og i Rex Garden i Førde inviterer Sveio O-lag til årets Finn Fram dag søndag 28. august.
Alle besøkjande vil få tilbod om eit kart over området med innteikna postar kor ein kan prøva seg på ymse aktiviteter og utfordringar. I år blir det tilbod om kajakkpadling luftgeverskyting, pilkast, spikerslag, speed-orientering, bruk av kart og kompass, kviss og ikkje minst kåring av søndagens sterkaste kvinne og mann. Arrangørane lovar premiering i alle konkurransar.
I grillhytta blir det sal av pølser, vafler, kaker, saft og kaffi.
Sveio Orienteringslag er hovedarrangør denne søndagen, men har fått med seg Sveio Turlag, Førde-speidarane, Bua-speidarane og Lid 4H.

---

13.09.21

Strålande Finn Fram dag på Strando og i Rex Garden i Førde siste søndagen i august. Deltakarane fekk prøva mange ulike aktivitetar. Førde-speidarane kunne tilby kajakk-padling på grunt vatn. Sveio O-lag kunne sjølv tilby speed-orientering i ei løype som delvis gjekk på sandstranda medan det var fjæra sjø. Bua-speidarane hadde laga kviss. Dertil kunne deltakarane i rundløypa med o-tekniske oppgåver, prøva seg på pilkast før dei besøkte kiosken med pølser, kaker, saft og kaffi. Premie til alle som fullførte rundløypa blei delt ut ved målpassering. Dessutan var det premiering til dei beste i pilkastkonkurransen, loddtrekking av premiar i speedorientering og i tillegg blei det trekt ut premiar blant alle deltakarane i årets arrangement.

---

30.08.20

Ein fantastisk arena, flott ver og mange blide folk, som tydeleg likte å møtast til ymse aktivitetar i friluft. Dette er resepten på ein vellukka Finn Fram dag; og det blei det på Strando/Prestabryggjo og i Rex Garden i Førde søndag. Sveio O-lag hadde laga ei rundløype langs gangvegar og stiar i parken. Løypa hadde åtte postar med ymse o-tekniske oppgåver. På fleire av postane var det dessutan aktivitetar som pilkast-tevling, kviss, kanopadling m.m. Alle som gjennomførte rundløya, og det blei 150 til saman, fekk premie. I tillegg blei det premiering i pilkast-tevlinga. Midt i løypa var det lagt inn ein matstasjon, kiosk, kor det var høve til å kjøpa pølser i brød, kanelbollar, saft og kaffi. Alt blei utselt. Bua-speidarane og Førde-speidarane var medarrangørar medan Sveio O-lag hadde regien og hovudansvaret.

---