20.03.25

Førstkomande helg opnar årets tur-o-sesong. 100 postar er gjort klare for besøk og registrering. Tilbodet dekker heile Sveio kommune og strekkjer seg i år også inn i delar av nabokommunen Tysvær.
På begge sider av fylkes- og kommunegrensa i sør er det lagt ut 15 postar i et småkupert, ope og stirikt terreng, som skrånar ned mot det idylliske friområdet inst i Ålfjorden.
Lengst nord i kommunen, mellom Tittelsnes og Bjørgjo, kan du gå langs vakre skogsvegar og svingete stiar som brått løftar deg mot fantastiske utsiktspunkter der store deler av Sunnhordland kan nytast frå høgda.
Populære og flotte utsiktspunkt som Landsåt, Emberlandsnipen og Åsbufjellet, som er inkludert i årets turorienteringstilbud.
Fjorårets forsøk med "usynlege" postar vart ein stor suksess, og dette held fram i år. Eit heilt nytt kart over terrenget ved Auklandshamn er tatt i bruk, med innteikna 10 usynlege postar, som kan registrerast ved hjelp av mobilapp.
Den lokale og verdskjente komponisten Fartein Valen skreiv musikkstykket «Kirkegården ved havet». Denne ligg vakkert til ved Leirvåg nær Valevåg. I år kan staden besøkjast som ein del av Sveio O-lags tilbod, Nærtrim/Barnas Tur-o. Også friområdet Slettene ved Auklandshamn er inkludert i tilbodet. Dette er eit perfekt turmål for barnefamilier som vil kombinera orientering med bading og gransking av livet i fjøra.

---

07.11.24


Årsfest torsdag 14. november kl 18:30 på Førde Samfunnshus.
Underhaldning og servering.

Alle er velkomne!

---

09.07.24

Sveio Golfpark
Golfparken er særs godt eigna til turar gjennom heile året. Denne sommaren har me lagt ut 7 stolpepostar langs turvegen frå klubbhuset i retning Bjellandsvatnet og Hinderlivatnet. Heile turen går langs sti eller grusveg og i slakt, men variert terreng.




Førde sentrum
Den første av i alt 7 stolpepostar på denne turen er plassert i nærleiken av den store p-plassen nær Kaien i Førde. Vidare svingar løypa innom den nye leikeplassen ved Strando, gjennom delar av den opparbeidde parken, før det ber i retning Kjærlighetstien og Vestbygda. Alle postane står like ved sti eller veg.

---

25.05.24

---

15.03.24


Påsken kjem tidleg i år, men Sveio o-lag er likevel klar med nær 100 nye postar. 10 av desse postane er usynlege.

På eit av dei sju karta, som denne sesongen ligg i hovudpakka, er det teikna inn 10 postar som er usynlege i terrenget. Dette er eit forsøk som Sveio o-lag er spent på korleis blir mottatt og korleis det vil fungera i praksis.
Dersom du vil jakta på dei 10 usynlege postane, finn du korkje postflagg eller postkodar ute i terrenget. Men dersom du lastar ned tur-o-appen vil du få eit varsel på mobiltelefonen når du er på rett stad i terrenget. Kartet til dei usynlege postane
kjøper du på vanleg måte.
Men alle dei andre postane blir som vanleg godt synlege med raude og kvite postflagg på rett plass i terrenget. Tilbodet i år er svært rikhaldig: Du kan jakta tur-o-postar lengst nord i kommunen frå Festningen på Tittelsnes og heilt fram til
Røysanes, som er det nordlegaste punktet i Sveio kommune. Du finn også postar i det opne kystlandskapet lengst sørvest ved havet sør for Mølstrevåg.
Andre postar ligg i kystfuruskog i Eikelandsneset, i open lynghei nær Ryvarden eller i fjordidyll ved Drangsvågen nær Førde. Ein spennande tur rundt det idylliske Sandvatnet kan du starta frå Paddevegen nær Fjellstad.
Eiga pakke som eignar seg for dei yngste og for dei som vil prøva tur-orientering for første gang, inneheld fire kart fordelt på fire ulike terreng og med i alt 20 postar som du kan jakta på. Nytt i år er at fem slike postar langs litt enklare løyper er lagt ut i
turterrenget nær Vikse skule. Lengst i nord vil du finna fem nærtrim-postar langs turstien frå Kleivo i retning Trollvassnibba.

---