01.01.70
Det nyskapande samarbeide mellom to o-kretsar bar frukter i form av mange tilreisande deltakarar. Arrangementet lørdag med mellomdistanse- orientering i regi av Sveio O-lag, samla meir enn 200 deltakarar og 15 funksjonærar. Alle trossa vind og regn i Auklandshamn, slik at det blei eit særs vellukka arrangement. Til arrangementet var det utarbeidd nyrevidert løpskart og deltakarane fordelte seg i åtte ulike løyper. Resultatlister og løypekart finn du her: https://eventor.orientering.no/Events/Show/19310

---

03.04.24

Førstkomande lørdag kjem o-løparar frå heile Vestlandet til Auklandshamn for å delta i Sveio O-lag sitt store stemne. Nær 200 o-løparar er påmeldt. I tillegg er det høve for alle som vil prøva o-sporten denne dagen til å melda seg direkte ved samlingsplassen på Auklandshamn skule. Det er snart 11 år sidan eit så stort o-løp blei arrangert i Sveio.
Eldsjelene i Sveio O-lag har laga i alt 8 ulike løyper. Dermed vil alle finna ei løype som passar til kvar einskild sine ambisjonar, kunnskapar og erfaringar. Under arrangementet blir det tilbod også til dei som aldri har prøvd o-løp tidlegare.
Gjennom hausten og vinteren har Sveio O-lag sytt for at det er blitt konstruert eit heilt nytt o-kart i terrenget sør for skulen i Auklandshamn. Nå skal dette nye anlegget for o-sporten takast i bruk for første gong.

Tre klubbar samarbeider
Tre klubbar går saman om å arrangera Vestlandspremieren med tre konkurransar i løpet like mange dagar, 5. 6. og 7. april. I løpet av denne helga blir det mellom 400 og 500 startar i o-løypene i tre ulike kommunar i Sunnhordland. Deltakarane, som hovudsakleg kjem frå Rogaland og Hordaland, gjer Vestlandspremieren til den største mønstringa av o-løparar på mange år i vår region.

1. dag: Premierehelga startar fredagskvelden 5. april med Bømlo IL som arrangør av Skumringssprinten. Nytt sprintkart i nærområdet til Bømlo-halllen blir grunnlaget for tevlinga som startar kl. 19.30. Dette markerer samtidig come back for o-sporten i Bømlo etter mange års fråvær.
https://eventor.orientering.no/Documents/Event/40415/1/Innbydelse

2. dag: Lørdag 6. april inviterer Sveio O-lag til mellomdistanse-orientering i Auklandshamn med høve til å starta frå kl. 14.00. I løpet av vinteren har Sveio O-lag fått synfart det aktuelle løpsterrenget på ny, slik deltakarane får prøva seg med eit nytt kart i hand.
https://eventor.orientering.no/Documents/Event/40402/2/Innbydelse

3. dag: Vestlandspremieren blir avslutta søndag 7. april på Stord, der Stord Orientering innbyr til langdistanse-orientering i området nær Fjellgardane bygdehus. Denne løpsdagen blir det høve til å starta frå kl 11.00.
https://eventor.orientering.no/Documents/Event/40368/2/Innbydelse

---

21.08.23
Påmelding til nærløp tirsdag 29. august er nå opent på Eventor:
https://eventor.orientering.no/Events/Show/17792

---

14.06.22

Lørdagens sprintløp, midt i bygda på flunkande nytt kart, har også fått omtale på Orienteringsforbundet si heimeside:
http://orientering.no/nyheter/sprintlop-midt-i-bygda-pa-nytt-kart/

Elles kan du se resultater og løyper på Eventor

---

01.06.22

Sprintorientering i Førde sentrum
lørdag 11. juni.
Første ordinære start kl 1500.
Nybegynnarar som vil prøva orientering langs gater, vegar, stiar i park og langs strand, kan starta frå kl. 14.30. Det blir høve for nybegynnarar å melda seg på ved samlingsplassen på Førde skule. Der blir det og opna blir kiosk med sal av pølser i brød,kaker, saft og kaffi.
Vel møtt!
Påmelding og meir info finner du på Eventor

---