13.04.26


Lørdag 19. april inviterer Sveio O-lag til stort o-løp i Auklandshamn med høve til å starta frå
kl. 12.00.
Samlingsplass og målpassering er lagt til Auklandshamn skule.
Sveio O-lag fått synfart delar av det aktuelle løpsterrenget på ny, slik at deltakarar får prøva
seg med eit nytt kart i hand. Det blir tilbod om løyper for o-løparar i alle aldrar frå 5 til 85 år
og på ulike ferdigheitsnivå og ambisjonsnivå. Løypetilbodet varierer frå dei enklaste og
kortaste for nybyrjarar og dei aller yngste, opp til dei meir avanserte o-løypene for erfarne
løparar.
-Me håpar på godvêr, folkefest og opnar kiosk med sal av pølser i brød, nysteikte vaflar, saft
og kaffi, seier Thomas Førde, leiar i Sveio O-lag. Han legg til at under tilsvarande tevling i fjor
deltok meir enn 200 o-løparar. Håpet er minst like mange i år.
Førde understrekar at alle som ønskjer å prøva seg i o-sporten er velkomne til å delta.
Påmelding kan skje fortrinnsvis på Eventor eller på skuleplassen på løpsdagen.

---

20.03.26


90 postar er lagt ut og ligg klar for besøk kring i heile kommunen. Sveio O-lag har jamvel plassert tur-o-postar i Tysvær

Frå og med laurdag 21. mars kan både små og store leggja ut på jakt etter årets tur-o-postar.
Sveio Orienteringslag inviterer til turorientering i vakre og svært varierte område kring i kommunen, frå fylkesgrensa mot Tysvær i sør til Tittelsnes i nord. I nabokommunen vår på andre sida av fylkesgrensa i sør ligg i år heile 15 postar i Rogaland fylke. Desse ligg i eit
slakt og ope turterreng med mange kjekke utsiktspunkt i nærleiken av den merka turstien som fører til Valhest.
Årets hovudpakke inneheld seks ulike kart med til saman innteikna 70 turorienteringspostar.
Karta med innteikna postar tek deltakarane med på ei reise gjennom det opne og småkuperte landskapet i Ryvarden-marka, via slake idylliske skogsvegar ved Framnes og austover til Liervatn og nord til ein flott og bratt fjelltur på Tittelsnes. Ei løype langs kyrkjestien
mellom Fjellstad og Mølstre får deltakarane med på kjøpet.
Med bruk av eit flunkande nytt kart over Eikelandsneset kan tur-gåarane finna fram til 10 usynlege postar.
Pakka, som ber namnet Nær-trim/Barnas Tur-o, inneheld fire ulike løypekart med til saman innteikna 20 postar. Ein av desse fire turane gir ei spennande reise i gamal krigshistorie på Nesheim fort, som ligg mellom Eltravåg og Buavåg. Her finst gamle bunkerar, kanonstillingar og hustufter som tyskarane bygde for meir enn 80 år sidan.

Meir info, turar og registrering av postar kan gjerast på TurO på nett

---

05.01.26



Merkevinnarar for TurO-sesongen 2025 finner du her

---

03.11.25

---

18.08.25

Tirsdag 26. august 2025 er det Nærløp på strando i Førde.
Meir informasjon og påmelding på Eventor

---